سندھ طاس معاہدہ معطل کرنے کی بھارتی کوشش غیرقانونی اور عالمی قوانین کی خلاف ورزی ہے، دفتر خارجہ

ترجمان دفتر خارجہ طاہر اندرابی نے کہا ہے کہ پانی کو سیاسی دباؤ یا دباؤ ڈالنے کے ہتھیار کے طور پر استعمال نہیں کیا جا سکتا، اور پاکستان کو اس کے جائز آبی حصے سے محروم کرنے کی کسی بھی کوشش کے خطے کے امن اور استحکام پر سنگین اثرات مرتب ہوں گے۔
انہوں نے واضح کیا کہ سندھ طاس معاہدے کو معطل کرنے یا اس سے یکطرفہ انحراف کی بھارت کی کوئی بھی کوشش غیرقانونی، یکطرفہ اور بین الاقوامی قوانین کے منافی ہے، جس کی پاکستان بھرپور مخالفت کرتا ہے۔ترجمان دفتر خارجہ کے مطابق ’’سندھ طاس معاہدہ، امن اور علاقائی استحکام کا ضامن‘‘ کے عنوان سے منعقدہ سیمینار میں سیاسی رہنماؤں، قانونی ماہرین، بین الاقوامی اسکالرز، سفارتی برادری اور سول سوسائٹی کے نمائندوں نے شرکت کی۔
، جہاں معاہدے کی اہمیت اور علاقائی امن میں اس کے کردار پر تفصیلی گفتگو کی گئی۔طاہر اندرابی نے مزید بتایا کہ وزیراعظم پاکستان ایرانی روحانی پیشوا آیت اللہ علی خامنہ ای کی نمازِ جنازہ اور تدفین میں شرکت کے لیے ایران جائیں گے۔ ان کے ہمراہ نائب وزیراعظم و وزیر خارجہ اسحاق ڈار سمیت وفاقی کابینہ کے دیگر وزرا بھی موجود ہوں گے۔