سانحہ کاہنہ کی تحقیقاتی رپورٹ وزیراعلیٰ پنجاب کو ارسال، چھت گرنے کی وجہ سامنے آگئی

لاہور کے علاقے کاہنہ میں ٹیوشن سینٹر کی چھت گرنے سے 14 بچوں کے جاں بحق ہونے کے افسوسناک واقعے کی تحقیقاتی رپورٹ وزیراعلیٰ پنجاب مریم نواز کو بھجوا دی گئی ہے۔رپورٹ کے مطابق حادثے کی بنیادی وجہ چھت پر ضرورت سے زیادہ ملبہ ڈالنا قرار دی گئی ہے۔ 
تحقیقات میں بتایا گیا کہ ٹی آر گارڈر سے بنی چھت پر بچوں کی موجودگی کے باوجود مٹی ڈلوانا انتہائی غیر ذمہ دارانہ اقدام تھا، جس کے باعث کمزور ڈھانچہ اضافی بوجھ برداشت نہ کر سکا اور چھت منہدم ہو گئی۔تحقیقاتی رپورٹ میں ماہرین کی تکنیکی آرا بھی شامل کی گئی ہیں۔
، جن میں عمارت کے ڈھانچے کی کمزوری اور حفاظتی اصولوں سے غفلت کو حادثے کی اہم وجوہات قرار دیا گیا ہے۔