ایران۔امریکا کشیدگی کے حل میں پاکستان کلیدی کردار ادا کر سکتا ہے، صدر آذربائیجان

صدر آذربائیجان الہام علیوف نے کہا ہے کہ ایران اور امریکا کے درمیان جاری تنازع کے حل میں پاکستان اہم کردار ادا کرنے کی صلاحیت رکھتا ہے۔ ان کے مطابق مشترکہ چیلنجز کا مؤثر مقابلہ باہمی تعاون اور مشترکہ کوششوں سے ہی ممکن ہے۔
صدر الہام علیوف نے وزیراعظم شہباز شریف اور فیلڈ مارشل سید عاصم منیر کی خطے میں امن کے لیے سفارتی اور عملی کوششوں کو سراہتے ہوئے کہا کہ دونوں رہنماؤں کا امن و استحکام کے فروغ کے لیے عزم قابل تحسین ہے۔
انہوں نے مشرقِ وسطیٰ میں بڑھتی ہوئی کشیدگی پر تشویش کا اظہار کرتے ہوئے امید ظاہر کی کہ پاکستان ماضی کی طرح اس بار بھی خطے میں امن کے قیام اور تنازعات کے پرامن حل کے لیے مؤثر کردار ادا کرے گا۔