وانا میں دہشت گردی کی بڑی کوشش ناکام، بارود سے بھری خودکش گاڑی تباہ

جنوبی وزیرستان لوئر کے علاقے وانا کے غواخوام میں سیکیورٹی فورسز نے بروقت انٹیلیجنس کارروائی کرتے ہوئے بارود سے بھری خودکش گاڑی کو ہدف بنا کر ایک بڑے دہشت گرد حملے کی منصوبہ بندی ناکام بنا دی۔سیکیورٹی ذرائع کے مطابق دھماکا خیز مواد سے بھری گاڑی کو آبادی تک پہنچنے سے پہلے تباہ کر دیا گیا۔
، جس کے نتیجے میں وانا اور گردونواح کی شہری آبادی ایک ممکنہ بڑے سانحے سے محفوظ رہی۔ذرائع کا کہنا ہے کہ سیکیورٹی فورسز نے خودکش حملے کے لیے تیار کی گئی گاڑی کی مسلسل تین روز تک نگرانی کی اور مناسب وقت کا انتظار کیا۔ کارروائی اس وقت کی گئی جب گاڑی آبادی سے دور پہنچ چکی تھی۔
، تاکہ شہریوں کی جان و مال کو کسی قسم کا نقصان نہ پہنچے۔کارروائی کے دوران بارود سے بھری گاڑی اور ایک موٹرسائیکل مکمل طور پر تباہ ہوگئیں، جبکہ سیکیورٹی ذرائع کے مطابق ایک خارجی ہلاک اور پانچ زخمی ہوئے۔