ہنگو میں دہشتگرد حملے کے 10 شہداء کی نمازِ جنازہ ادا، سیکیورٹی فورسز کی جوابی کارروائی میں متعدد دہشتگرد ہلاک

ہنگو میں خزینہ بانڈہ پولیس چیک پوسٹ پر دہشتگردوں کے حملے میں شہید ہونے والے ڈی ایس پی سٹی دیار خان سمیت 10 پولیس اہلکاروں کی نمازِ جنازہ ادا کر دی گئی۔ نمازِ جنازہ میں سول انتظامیہ، پولیس کے اعلیٰ افسران، شہداء کے اہلِ خانہ اور شہریوں کی بڑی تعداد نے شرکت کی۔
پولیس کے مطابق دہشتگردوں کے حملے میں 20 سے زائد اہلکار زخمی بھی ہوئے، جبکہ سیکیورٹی فورسز کی بھرپور جوابی کارروائی میں 10 سے زائد دہشتگرد مارے گئے۔ادھر پشاور میں تھانہ متنی کی ادیزئی چوکی پر فتنہ الخوارج کے حملے کو سیکیورٹی اہلکاروں نے بروقت کارروائی کرتے ہوئے ناکام بنا دیا۔ 
حکام کے مطابق علاقے میں دہشتگردوں کی تلاش کے لیے سرچ آپریشن جاری ہے۔دریں اثنا وزیراعلیٰ خیبرپختونخوا سہیل آفریدی نے ہنگو پولیس چیک پوسٹ پر ہونے والے حملے کا نوٹس لیتے ہوئے انسپکٹر جنرل (آئی جی) پولیس سے واقعے کی تفصیلی رپورٹ طلب کر لی ہے۔