پاک افغان سرحد پر سیکیورٹی فورسز کی کارروائی، دراندازی کی کوشش ناکام

پاکستانی سیکیورٹی فورسز نے پاک افغان سرحدی علاقے گلستان سیکٹر میں مبینہ دراندازی اور جارحیت کی کوشش ناکام بنا دی۔ذرائع کے مطابق افغان طالبان کی جانب سے پاکستانی حدود میں داخل ہونے اور کارروائی کی کوشش پر سیکیورٹی فورسز نے مؤثر جوابی کارروائی کی، جس کے نتیجے میں متعدد افغان طالبان کے ہلاک ہونے کی اطلاعات ہیں۔
ذرائع کا کہنا ہے کہ سرحدی علاقے میں سیکیورٹی فورسز اور افغان طالبان کے درمیان وقفے وقفے سے فائرنگ کا سلسلہ جاری ہے۔ سیکیورٹی فورسز نے علاقے میں اپنی پوزیشنیں سنبھال رکھی ہیں اور سرحدی صورتحال پر کڑی نظر رکھی جا رہی ہے۔