ملتان میں نجی بینک کے لاکر سے 80 تولہ سونا غائب ہونے کا انکشاف

ملتان میں نجی بینک کی ایک خاتون صارف کے لاکر سے مبینہ طور پر 80 تولہ سونا غائب ہونے کا واقعہ سامنے آیا ہے، جس کی مالیت کروڑوں روپے بتائی جا رہی ہے۔متاثرہ خاتون کے مطابق چند روز قبل جب وہ اپنا لاکر چیک کرنے بینک آئیں تو چابی لاکر میں نہیں لگ رہی تھی۔ 
بعد ازاں آج دوبارہ بینک پہنچ کر لاکر کھولا گیا تو اندر موجود سونا غائب تھا۔خاتون کا دعویٰ ہے کہ سونا غائب ہونے کے بعد بینک منیجر بھی مبینہ طور پر وہاں موجود نہیں اور فرار ہوگیا ہے۔واقعے کے بعد متاثرہ خاتون نے پولیس سے رابطہ کرلیا، جس پر پولیس نے معاملے کی تحقیقات شروع کردی ہیں۔ حکام کی جانب سے واقعے کے مختلف پہلوؤں کا جائزہ لیا جا رہا ہے۔