مکہ اور مدینہ کی جانب مبینہ ڈرون حملے، سعودی دفاعی نظام نے تین ڈرونز تباہ کردیے
یمن کی حوثی ملیشیا کی جانب سے سعودی عرب کے مقدس شہروں مکہ مکرمہ اور مدینہ منورہ کو مبینہ طور پر ڈرونز کے ذریعے نشانہ بنانے کی کوشش ناکام بنا دی گئی، سعودی فورسز نے تینوں ڈرونز کو فضا میں ہی تباہ کردیا۔
سعودی قیادت میں قائم فوجی اتحاد کے ترجمان میجر جنرل ترکی المالکی کے مطابق مکہ مکرمہ کی سمت بڑھنے والے دو ڈرونز کی نشاندہی کرکے انہیں روک لیا گیا اور تباہ کردیا گیا، جبکہ مدینہ منورہ کی جانب آنے والے ایک اور ڈرون کو بھی فضائی دفاعی نظام نے نشانہ بنایا۔
ادھر حوثی ملیشیا کی جانب سے مدینہ منورہ کو نشانہ بنانے سے متعلق اطلاعات پر تاحال کوئی ردعمل سامنے نہیں آیا، تاہم تنظیم نے مکہ مکرمہ پر ڈرون حملے کی کوشش میں ملوث ہونے کی تردید کی ہے۔
تبصرے
Please keep the discussion respectful.