بھارتی مسلمانوں کا اسلاموفوبیا کے خلاف مظاہرہ: مودی کی نفرت کی مخالفت

اسلاموفوبیا کے خلاف بھارتی مسلمان سراپا احتجاج اسلامو فوبیا کے خلاف بھارتی مسلمان سراپا احتجاج ہیں۔ اسی سلسلے میں آل انڈیا مجلس اتحاد المسلمین کے تحت ہزاروں مسلمان ممبئی کی جانب مارچ کررہے ہیں۔ بھارت میں اقلیتیں بالخصوص مسلمان انتہا پسند ہندوؤں کے امتیازی سلوک کا شکار ہیں ۔ مسلمانوں کے خلاف شرانگیزی اور مذہبی انتہا پسندی میں غیر معمولی اضافہ ہو رہا ہے۔ مودی کی نفرت اور مذہبی انتہا پسندی کا نشانہ بننے والے مسلمان مذہبی منافرت کے خلاف بول پڑے ۔ آل انڈیا مجلس اتحاد المسلمین کے رہنما امتیاز جلیل 12 ہزار سے زائد مسلمانوں کے ہمراہ ممبئی کی طرف مارچ کررہے ہیں۔ مظاہرین کا مطالبہ ہے کہ بی جے پی کے ایم ایل اے نتیش رانے اور ہندو پیروکار رام گیری مہاراج کے خلاف نفرت انگیز تقریر پر کارروائی کی جائے۔ واضح رہے کہ گزشتہ ماہ بی جے پی کے ایم ایل اے نتیش رانے اور ہندو پیروکار رام گیری مہاراج نے مسلمانوں کے خلاف نفرت انگیز تقاریر کیں۔ جن میں مسلمانوں کو جان سے مارنے کی دھمکی بھی دی گئی۔ نتیش رانے کے خلاف مہاراشٹر میں مسلمانوں کو نشانہ بنانے والی تقاریر پر متعدد مقدمات درج کیے گئے ہیں۔ اور وکیل واصی سید نے ہائی کورٹ میں پٹیشن بھی دائر کی ہے۔ یوٹیوٹ کی ویڈیو دیکھنے کے لیے یہاں کلک کریں