اسرائیل کا حزب اللہ رہنما ہاشم صفی الدین کی شہادت کا دعویٰ

اسرائیل کا حزب اللہ کے اہم رہنما ہاشم صفی الدین کو شہید کرنے کا دعویٰ اسرائیل نے نصر اللہ کے بعد حزب اللہ کے اہم ترین رہنما ہاشم صفی الدین کو شہید کرنے کا دعویٰ کردیا۔ اسرائیلی فوج کے ترجمان نے بتایا کہ بیروت پر ہونے والے حملے میں حزب اللہ کے صف اول کے رہنما ہاشم صفی الدین کو شہید کردیا گیا ہے۔ اسرائیلی فوج کے ترجمان کا کہنا ہے کہ یہ حملہ بیروت کے نواحی علاقے الضاحیہ میں کیا گیا ۔ جس میں ہاشم صفی الدین کے ساتھ ان کے ساتھی بھی شہید ہوگئے ہیں۔ علاوہ ازیں اسرائیلی فوج نے حزب اللہ کے مواصلات کے سربراہ محمد رشید سکافی کو نشانہ بنانے کا بھی دعویٰ کیا ہے۔ اسرائیلی میڈیا کے مطابق اس حملے میں کسی کے بھی بچ جانے کی توقع نہیں کی جارہی ۔ کیونکہ یہ حملہ حسن نصر اللہ پر ہونے والے حملے سے بھی زیادہ شدید تھا۔ یوٹیوٹ کی ویڈیو دیکھنے کے لیے یہاں کلک کریں