سلمان اکرم: ججز کی تعداد 17 سے 24 کرنے پر کوئی اعتراض نہیں

ججز کی تعداد 24 بھی کریں کوئی اعتراض نہیں : سلمان اکرم اسلام آباد: پی ٹی آئی کے سیکرٹری جنرل سلمان اکرام راجہ نے کہا ہےکہ ججز کی تعداد 17 سے 21 کریں یا 24 ہمیں کوئی اعتراض نہیں ہے۔ ایک بیان میں سلمان اکرم راجہ نے آئینی بینچ کے سامنے پیش ہونے کا بھی اعلان کیا اور کہاکہ 26 ویں آئینی ترمیم اور آئینی بینچ پر اعتراض ہیں۔ ان کا کہنا تھا کہ اسے درست نہیں سمجھتے اور چیلنج بھی کریں گے لیکن یہ مطلب نہیں کہ اپنے مقدمات لڑنا چھوڑ دیں۔ جو عدالت میسر ہے اس کے سامنے جائیں گے۔ دوسری جانب رہنما پی ٹی آئی اسد قیصر نے 27ویں آئینی ترمیم کی مخالفت کا اعلان کردیا۔ واضح رہے کہ سپریم کورٹ کے ججز کی تعداد میں اضافے سے متعلق بل قومی اسمبلی میں جمعہ کو پیش کیا جائے گا۔ یوٹیوٹ کی ویڈیو دیکھنے کے لیے یہاں کلک کریں