بلیو ورلڈ سٹی نے پی آئی اے خریدنے کے لیے 85 ارب روپے کی بولی دی

پی آئی اے کی خریداری: بلیو ورلڈ سٹی کی 85 ارب روپے کی بڑی پیشکش بلیو ورلڈ سٹی نے پاکستان انٹرنیشنل ایئرلائن (پی آئی اے) کی خریداری کے لیے حکومت کو 30 سے 85 ارب روپے دینے پر مشروط آمادگی ظاہر کردی۔ بلیو ورلڈ سٹی کے سربراہ سعد نذیر نے پی آئی اے کی خریداری کے لیے بولی بڑھا دی۔ سعد نذیر نے کہا کہ حکومت کہتی ہے 85 ارب روپے دو، تو ہم 85 ارب روپے تک دینے کو تیار ہیں لیکن ہمارے ساتھ بیٹھ کر بات تو کریں۔ چیئرمین بلیو ورلڈ سٹی نے کہا کہ ہم حکومت کو باضابطہ خط بھی لکھیں گے کہ ہم 30 سے 85 ارب روپے تک کی قیمت ادا کرنے کو تیار ہیں۔ انہوں نے کہا کہ پاکستان میں کوئی ایسا شخص موجود نہیں جس کے پاس 85 ارب روپے لیکوئڈ فارم میں موجود ہوں۔ ہمارے ساتھ بہت سے سرمایہ کار رابطے میں ہیں۔ ہم ان کا کیپیٹل استعمال کرکے 85 ارب روپے ادا کر سکتے ہیں لیکن شرائط کو تھوڑا سا نرم کریں۔ یوٹیوٹ کی ویڈیو دیکھنے کے لیے یہاں کلک کریں