9 نومبر اقبال ڈے: علامہ اقبال کی پیدائش کا دن، حکومت کا تعطیل کا فیصلہ

حکومت کا 9نومبر اقبال ڈے پر عام تعطیل کا اعلان حکومت نے 9نومبر اقبال ڈے پر عام تعطیل کا اعلان کر دیا ہے۔وفاقی حکومت نے علامہ اقبال ڈے پر چھٹی کا اعلان کیا ہے۔ ،کیبنٹ ڈویژن نے عام تعطیل سے متعلق نوٹیفکیشن جاری کر دیا، یوم پیدائش پر یوم اقبال کے حوالے سے تقریبات منعقد کی جائیں گی۔ شاعر مشرق مفکر پاکستان ڈاکٹر علامہ محمد اقبال 9 نومبر 1877 کوسیالکوٹ میں پیدا ہوئے، ابتدائی تعلیم آبائی شہر سے حاصل کرنے کے بعد 1905 میں برطانیہ سے وکالت اور بعد میں جرمنی سے فلسفے میں پی ایچ ڈی کی ڈگری بھی حاصل کی۔ ڈاکٹرعلامہ محمد اقبال نے 1910 میں وطن واپسی کے بعد شاعری کے ذریعے فکری اور سیاسی طور پر منتشر مسلمانوں کو خواب غفلت سے جگایا۔ ، سیاستدان کی حیثیت سے ان کا سب سے بڑا کارنامہ نظریہ پاکستان کی تشکیل ہے۔ یہی نظریہ بعد میں پاکستان کے قیام کی بنیاد بنا۔ مصور پاکستان علامہ اقبال 21 اپریل 1938 کو لاہور میں خالق حقیقی سے جا ملے، انہیں بادشاہی مسجد کے پہلو میں دفن کیا گیا۔ یوٹیوٹ کی ویڈیو دیکھنے کے لیے یہاں کلک کریں