بی سی سی آئی نے چیمپئنز ٹرافی کیلئے پاکستان نہ جانے کا اعلان، آئی سی سی کو اطلاع دی

بھارتی بورڈ نے پاکستان نہ جانے کے معاملے پر آئی سی سی کو آگاہ کردیا بورڈ آف کنٹرول فار کرکٹ ان انڈیا ( بی سی سی آئی ) نے چیمپئنز ٹرافی کے لئے پاکستان نہ جانے کے معاملے پر انٹرنیشنل کرکٹ کونسل ( آئی سی سی ) کو آگاہ کردیا۔ یاد رہے کہ گزشتہ روز بھارتی میڈیا کی جانب سے دعویٰ کیا گیا تھا کہ بھارتی کرکٹ بورڈ نے پاکستان کرکٹ بورڈ کو حال ہی میں ایک پیغام بھیجا ہے اور اپنے فیصلے سے متعلق پی سی بی کو آگاہ کردیا ہے کہ سکیورٹی خدشات کی بنا پر بھارتی ٹیم پاکستان نہیں آئے گی۔ اس سے قبل چیمپئنز ٹرافی میں شرکت کے حوالے سے پاکستان کرکٹ بورڈ نے ’’یس یا نو ‘‘ میں تحریری جواب دینے کیلئے بھارت کو واضح پیغام پہنچایا تھا۔ کرکٹ کی معروف ویب سائٹ کرک انفو کے مطابق بھارتی بورڈ نے معاملے پر آئی سی سی کو آگاہ کردیا ہے۔ بی سی سی آئی کی جانب سے آئی سی سی کو پاکستان جانے کے بارے میں حکومت سے اجازت نہ ملنے کا بتایا گیا ہے۔ واضح رہے کہ پاکستان طویل عرصے بعد آئندہ برس فروری، مارچ میں چیمپئنز ٹرافی کی صورت میں آئی سی سی ایونٹ کی میزبانی کرے گا۔ یوٹیوٹ کی ویڈیو دیکھنے کے لیے یہاں کلک کریں