"ٹی 20 رینکنگ میں بابر، رضوان اور شاہین آفریدی کی تنزلی، حارث رؤف کی ترقی"

رضوان، بابر اور شاہین آفریدی کی ٹی 20 رینکنگ میں تنزلی پاکستان وائٹ بال ٹیم کے کپتان محمد رضوان اور سابق کپتان بابر اعظم کی ٹی 20 رینکنگ میں تنزلی ہوگئی۔ انٹرنیشنل کرکٹ کونسل ( آئی سی سی ) کی جانب سے ٹی 20 کی نئی رینکنگ جاری کردی گئی ہے ۔ جس کے مطابق محمد رضوان اور بابر اعظم کی ایک، ایک درجہ جبکہ فاسٹ باؤلرز کی رینکنگ میں شاہین شاہ آفریدی کی 10 درجے تنزلی ہوئی ہے۔ نئی رینکنگ میں بابراعظم چوتھے سے پانچویں نمبر پر آگئے ہیں۔ جبکہ محمد رضوان پانچویں سے چھٹے نمبر پر چلے گئے ہیں۔ فاسٹ باؤلر حارث رؤف کی ترقی ہوئی اور وہ 24 ویں سے 20 ویں پوزیشن پر آگئے۔ جبکہ شاہین آفریدی دس درجہ تنزلی کے بعد 24 ویں نمبر پر چلے گئے ہیں۔ یوٹیوٹ کی ویڈیو دیکھنے کے لیے یہاں کلک کریں