"راولپنڈی عدالت نے توشہ خانہ ٹو کیس میں بشری بی بی کے وارنٹ گرفتاری جاری کردیے"

توشہ خانہ ٹو کیس میں بشری بی بی کے وارنٹ گرفتاری جاری راولپنڈی؛ عدالت نے توشہ خانہ ٹو کیس میں بانی پی ٹی آئی کی اہلیہ بشری بی بی کے وارنٹ گرفتاری جاری کردیے۔ راولپنڈی کے سینٹرل جج شاہ رخ ارجمند نے اڈیالہ جیل میں بانی پی ٹی آئی اوران کی اہلیہ بشریٰ بی بی کے خلاف توشہ خانہ ٹو کیس کی سماعت کی۔ عدالت نے مسلسل غیر حاضری پربشریٰ بی بی کے قابل ضمانت وارنٹ گرفتاری جاری کردیے۔ اوران کی آج حاضری سے استثنیٰ کی درخواست بھی خارج کردی۔ عدالت نے بشریٰ بی بی کے ضامن کو بھی نوٹس جاری کرتے ہوئے کہا کہ آپ کے شورٹی بانڈز کیوں نہ ضبط کیے جائیں۔ واضح رہے کہ آج ہی اسلام آباد ہائیکورٹ نے توشہ خانہ ٹوکیس میں ایف آئی اے کی ضمانت منسوخی کی درخواست پر بشریٰ بی بی کو نوٹس جاری کیا تھا۔ یوٹیوٹ کی ویڈیو دیکھنے کے لیے یہاں کلک کریں