پاکستان امریکا ڈیجیٹل اثاثہ تعاون میں نئی پیشرفت

وزیرِ مملکت بلال بن ثاقب نے ٹرمپ ڈیجیٹل اثاثہ جات کونسل کے ایگزیکٹو ڈائریکٹر بو ہائنس سے ملاقات کی۔ امریکا اور پاکستان کے درمیان ڈیجیٹل اثاثوں میں تعاون بڑھانے پر اتفاق ہوا۔واشنگٹن ڈی سی میں وزیرِ مملکت برائے کرپٹو اور بلاک چین بلال بن ثاقب نے وائٹ ہاؤس میں ٹرمپ ڈیجیٹل اثاثہ جات کونسل کے ایگزیکٹو ڈائریکٹر رابرٹ 'بو' ہائنس سے ملاقات کی۔ ملاقات کے دوران بٹ کوائن، کرپٹو مائننگ اور غیرمرکوز انفرااسٹرکچر سمیت ڈیجیٹل اثاثوں پر تفصیلی گفتگو ہوئی۔بلال بن ثاقب نے کہا کہ پاکستان گلوبل ساؤتھ میں ڈیجیٹل اثاثوں کی قیادت کرے گا۔ انہوں نے بتایا کہ پاکستان اسٹریٹجک بٹ کوائن ریزرو، کرپٹو مائننگ زونز اور اے آئی ڈیٹا انفرااسٹرکچر کے لیے ایک جامع فریم ورک پر کام کر رہا ہے۔ ملاقات میں دونوں ملکوں کے درمیان ٹیکنالوجی اور ڈیجیٹل معیشت کے شعبے میں تعاون بڑھانے پر بھی اتفاق کیا گیا۔ یوٹیوٹ کی ویڈیو دیکھنے کے لیے یہاں کلک کریں