غزہ جنگ بندی اگلے ہفتے طے پانے کا امکان، ڈونلڈ ٹرمپ کا بیان

امریکی صدر ڈونلڈ ٹرمپ غزہ جنگ بندی معاہدے کیلئے پُرامید ہیں، کہتے ہیں اگلے ہفتے معاملات طے پائیں گے۔غیر ملکی خبر رساں ادارے کے مطابق ڈونلڈ ٹرمپ نے کہا کہ وہ دوحہ میں حماس اور اسرائیل کے درمیان مذاکرات تعطل کا شکار ہوجانے کے باوجود بھی اگلے ہفتے تک جنگ کے بارے میں پیشرفت کیلئے پرامید ہوں۔انہوں نے کہا کہ ہم غزہ کے معاملے پر بات کر رہے ہیں اور امید رکھتے ہیں کہ اگلے ہفتے ہم اس کو کافی حد تک حل کرلیں گے۔امریکی صدر ڈونلڈ ٹرمپ نے یوکرین کو پیٹریاٹ میزائل سسٹم دینے کا بھی اعلان کردیا، کہا کہ روسی صدر کے قول اور فعل میں تضاد ہے۔امریکی صدر ڈونلڈ ٹرمپ نے کلب ورلڈ کپ میں شرکت کیلئے روانگی سے پہلے میڈیا سے گفتگو کرتے ہوئے کہا کہ ٹیرف سے گزشتہ ماہ 25 ارب ڈالرز کمائے، یکم اگست سے نئے ٹیرف کے نفاذ کے بعد آمدنی کئی گنا بڑھے گی۔ یوٹیوٹ کی ویڈیو دیکھنے کے لیے یہاں کلک کریں