جاپان میں برڈ فلو کیسز کی تصدیق، لاکھوں مرغیوں کو تلف کیا جائے گا

مشرقی جاپان میں ایک پولٹری فارم میں برڈ فلو کیس کی تصدیق کے بعد 9 لاکھ 70 ہزار مرغیوں کو تلف کرنے کا فیصلہ کیا گیا ہے۔ خبرایجنسی کے مطابق صوبہ ایبارا کی کے حکام نے تصدیق کی ہے کہ شیروساتو میں واقع ایک پولٹری فارم پر انتہائی خطرناک ایویئن انفلوئنزا (برڈ فلو) پھیل گیا ہے۔ جو رواں سیزن میں ملک بھر میں اس نوعیت کا دسواں کیس ہے۔ صوبائی حکام کے مطابق متاثرہ فارم پر انڈے دینے والی 9 لاکھ 70 ہزار مرغیوں کو تلف کیا جائے گا۔ جو اس سیزن میں اب تک کی سب سے بڑی کارروائی ہے۔ تازہ کیس کے بعد تلف کی جانے والی مرغیوں کی مجموعی تعداد 36 لاکھ 50 ہزار ہو گئی ہے۔ جاپان میں رواں سیزن کا پہلا کیس 22 اکتوبر کو شمالی صوبے ہوکائیڈو میں سامنے آیا تھا۔ خبر کی تفصیل کے لیے لنک پر کلک کریں۔