"گورنر پنجاب سردار سلیم حیدر خان کا کہنا ہے: سموگ نے کاروبار زندگی مفلوج کر دیا ہے"

سموگ کی وجہ سے کاروبار زندگی مفلوج ہو کر رہ گیا ، گورنر پنجاب گورنر پنجاب سردار سلیم حیدر خان کا کہنا ہے کہ سموگ کی وجہ سے کاروبار زندگی مفلوج ہو کر رہ گیا ہے۔ گورنر پنجاب سردار سلیم حیدر خان سے پیپلز پارٹی اراکین پارلیمنٹ اور مہمند ایجنسی لویہ جرگہ کے وفد نے ملاقات کی ۔ جس میں سموگ کی بگڑتی صورتحال پر تبادلہ خیال کیا گیا۔ ملاقات میں ایم این اے ثمینہ خالد گھرکی، سابق ایم این اے چوہدری منظور احمد، ایم پی اے قاضی احمد سعید، پیپلز پارٹی کے سینئر رہنما اورنگزیب برکی، عزیز الرحمن چن اور مہمند لویہ جرگہ کے وفد میں حاجی صنوبر خان، سرفراز خان، اکبر خان اور سعید خان شامل تھے۔ دوران ملاقات گورنر پنجاب نے کہا کہ سموگ کی وجہ سے کاروبار زندگی مفلوج ہو کر رہ گیا ہے۔ عوام کو سموگ کے رحم وکرم نہ چھوڑا جائے، پنجاب حکومت کہیں نظر نہیں آرہی۔ سردار سلیم حیدر خان نے کہا کہ پنجاب حکومت حالات کی سنگینی کو سمجھے۔ عوامی مسائل اور سموگ جیسی صورتحال پر عملی اقدامات کی اشد ضرورت ہے۔ یوٹیوٹ کی ویڈیو دیکھنے کے لیے یہاں کلک کریں