پاکستان کی سٹاک مارکیٹ کی کامیابی حکومتی پالیسیوں کا نتیجہ: وزیرِ اعظم شہباز شریف

سٹاک مارکیٹ کی پوزیشن حکومتی پالیسیوں کا نتیجہ :شہباز شریف وزیرِ اعظم محمد شہباز شریف کا کہنا ہے کہ سٹاک ایکسچینج کا تاریخ میں پہلی مرتبہ ایک لاکھ پوائنٹس سے تجاوز کرنا حکومتی پالیسیوں پر کاروباری برادری اور سرمایہ کاروں کے بھروسے کی عکاسی کرتا ہے۔ وزیرِاعظم نے کہا کہ اس سنگ میل کو عبور کرنے کیلئے حکومتی معاشی ٹیم اور ملک میں سرمایہ کاری کے فروغ کیلئے مصروف عمل حکام لائق تحسین ہیں۔ اپنی قوم سے عہد کیا تھا کہ ملکی معاشی استحکام اور ملکی ترقی کیلئے ہر ممکن اقدام اٹھاوں گا۔ پاکستان کو ڈیفالٹ سے بچانے کیلئے اپنی سیاست کی قربانی دی، اللہ کے فضل و کرم سے قربانی رائیگاں نہیں گئی۔ وزیرِاعظم کا کہنا تھا کہ ملکی استحکام و ترقی کے دشمن ملک کو دوبارہ ڈی ریل کرنے کی مزموم و ناکام کوششیں کر رہے ہیں۔ ملک میں مہنگائی کی شرح میں مزید کمی ہوئی ہے۔ شرح سود 15 فیصد اور ترسیلاتِ زر ریکارڈ سطح پر پہنچ چکے، ملکی ترقی کیلئے یونہی محنت کرتے رہیں گے۔ ملکی ترقی و خوشحالی کے دشمنوں کو اپنے مزموم مقاصد میں کامیاب نہیں ہونے دینگے۔ یوٹیوٹ کی ویڈیو دیکھنے کے لیے یہاں کلک کریں