شدید دھند کے باعث موٹر ویز بند، ٹریفک متاثر

ملک کے مختلف شہروں میں دھند کے ڈیرے، موٹر ویز بند ملک کے مختلف شہروں میں دھند کے ڈیرے رہے، موٹر ویز متعدد مقامات سے بند کردی گئی۔ موٹروےایم 2لاہور سے کوٹ مومن تک ٹریفک کیلئے بند کر دی گئی، شدید دھند کے باعث موٹر وے ایم 3 فیض پور سے درخانہ تک بند کردی گئی۔ موٹروے ایم فور کو بھی بند کر دیا گیا۔ قومی شاہراہوں پر بھی حد نگاہ انتہائی کم رہی، جھنگ، صفدرآباد، گوجرہ اور گگو منڈی میں دھند کے باعث ٹریفک کی روانی شدید متاثر ہوئی، گاڑیوں کی لمبی قطاریں لگ گئیں۔ ترجمان موٹر ویز کے مطابق موٹرویز کو عوام کی حفاظت یقینی بنانے کیلئے بند کیا جاتا ہے، شہری دن کے اوقات میں سفر کرنے کو ترجیح دیں۔ یوٹیوٹ کی ویڈیو دیکھنے کے لیے یہاں کلک کریں