"پنجاب میں دھند نے حد نگاہ صفر کردی، موٹرویز متعدد مقامات سے بند"

پنجاب میں دھند کے ڈیرے، حد نگاہ صفر، موٹرویز بند لاہور سمیت پنجاب کے مختلف شہروں میں دھند نے ڈیرے ڈال رکھے ہیں جس کے باعث حد نگاہ صفر ہو گئی ہے۔ صوبائی دارالحکومت میں شدید دھند کے باعث لاہور ایئرپورٹ پر پروازوں کا شیڈول بھی متاثر ہو گیا۔ رن وے کے اطراف میں حد نگاہ 150 میٹر ریکارڈ کی گئی ہے۔ دھند کی وجہ سے جدہ سے آنے والی سعودی ایئر لائن کی پرواز ایس وی 738 کو لینڈنگ کی اجازت نہ ملی اور طیارے کا رخ اسلام آباد ایئرپورٹ کی جانب موڑ دیا گیا۔ شدید دھند کے باعث موٹر ویز کو متعدد مقامات سے بند کر دیا گیا۔ ، موٹر وے ایم 2 لاہور سے کوٹ مومن تک ٹریفک کیلئے بند ہے۔ جبکہ موٹر وے ایم 3 لاہور سے عبدالحکیم تک بھی بند کر دی گئی ہے۔ یوٹیوٹ کی ویڈیو دیکھنے کے لیے یہاں کلک کریں