"رحیم یار خان اور ملتان میں خوفناک ٹریفک حادثات، 9 افراد کی جانیں گئیں"

ملتان اور رحیم یار خان میں ٹریفک حادثات سے 9 افراد جاں بحق ملتان اور رحیم یار خان میں ہونے والے ٹریفک حادثات میں 9 افراد جاں بحق ہوگئے۔ ریسکیو حکام کے مطابق رحیم یار خان میں قومی شاہراہ پر بس اور رکشے میں تصادم ہوا جس کے نتیجے میں 4 افراد جاں بحق اور 7 زخمی ہوئے۔ ریسکیو حکام نے بتایا کہ قومی شاہراہ پر حادثہ دھند اور تیز رفتاری کے باعث پیش آیا۔ ، لاشوں اور زخمیوں کو اسپتال منتقل کردیا گیا ہے۔دوسری جانب کراچی سے سوات جانے والی مسافر بس کو شاہ رکن عالم انٹر چینج کے قریب حادثہ پیش آیا۔ جہاں مسافر بس اور ٹریلر کی ٹکر ہوئی جس کے نتیجے میں 5 افراد جاں بحق اور 7 زخمی ہوگئے۔ پولیس کے مطابق بس پہلے موٹروے پر ڈیوائیڈر سے ٹکرائی اور پھر ٹریلر سے ٹکراگئی۔ ، ٹکر کی وجہ سے مسافر بس کا اگلا حصہ بری طرح تباہ ہوگیا اور ٹریلر الٹ گیا۔ ادھر پڈعیدن میں مورو کے قریب ٹریلر کی ٹکر سے موٹر سائیکل سوار جاں بحق ہوگیا ۔ جب کہ سرگودھا میں ہجن روڈ پر ٹریکٹر ٹرالی سیم نالے میں گرگئی جس کے نتیجے میں 3 مزدور زخمی ہوگئے۔ یوٹیوٹ کی ویڈیو دیکھنے کے لیے یہاں کلک کریں