غیر منظم سیٹلائٹس عسکریت پسندی اور خودمختاری کو لاحق خطرات جیسے مسائل کو جنم دے رہے ہیں،پاکستان

پاکستان نے خلا بالخصوص لو ارتھ آربٹ (ایل ای او)میں قانون کی حکمرانی اور جوابدہی یقینی بنانے کے لیے قانونی طور پر پابند بین الاقوامی معاہدوں پر زور دیتے ہوئے خبردار کیا ہے کہ غیر منظم ایل ای او سیٹلائٹس ڈیجیٹل عدم مساوات، غلط معلومات کے پھیلاؤ، عسکریت پسندی، خودمختاری کو لاحق خطرات اور خلائی ملبے جیسے سنگین مسائل کو جنم دے رہے ہیں۔ اقوام متحدہ میں پاکستانی مشن کے قونصلر اور پولیٹیکل کوآرڈینیٹر گل قیصر سرورانی نے سلامتی کونسل کے 15 رکنی اجلاس سے خطاب کرتے ہوئے کہا کہ ایل ای او میں تجارتی سرگرمیوں کے غیر منظم پھیلاؤ کے باعث آربیٹل سلاٹس، سپیکٹرم، سپیس سچویشنل اویئرنیس صلاحیتوں اور معاشی فوائد محدود ممالک اور اداروں تک مرتکز ہو رہے ہیں۔ انہوں نے خبردار کیا کہ اصلاحی اقدامات کے بغیر ترقی پذیر اور ابھرتے خلائی ممالک طویل المدتی طور پر حاشیے پر چلے جائیں گے۔ گل قیصر سرورانی نے پاکستان کے مؤقف کو دہراتے ہوئے کہا کہ خلا بشمول لو ارتھ آربٹ تمام انسانیت کی مشترکہ میراث ہے اور اس پر کسی ملک یا ادارے کی اجارہ داری قابل قبول نہیں۔ خبر کی تفصیل کے لیے لنک پر کلک کریں۔