علی امین گنڈاپور کے وارنٹ گرفتاری: دہشت گردی کے مقدمات کی نئی پیشرفت

علی امین گنڈاپور کے ناقابل ضمانت وارنٹ گرفتاری جاری انسداد دہشت گردی عدالت اسلام آباد نے وزیراعلٰی خیبرپختون خوا علی امین گنڈا پور کے ناقابلِ ضمانت وارنٹ گرفتار جاری کردیے۔ عدالت نے پی ٹی آئی رہنماؤں واثق قیوم عباسی، راشد حفیظ اورعامر محمود کیانی کے بھی ناقابل ضمانت وارنٹ گرفتاری جاری کیے ہیں۔ عدالت نے مسلسل غیر حاضری پرعمرتنویر بٹ کو اشتہاری قرار دے دیا۔ پی ٹی آئی رہنماؤں کے خلاف دہشت گردی کی دفعات کے تحت تھانہ آئی نائن اسلام آباد میں مقدمہ درج ہے۔ علی امین گنڈاپور کی جوڈیشل کمپلیکس توڑ پھوڑ کیس میں درخواستِ ضمانت بھی خارج کردی گئی۔ علاوہ ازیں انسدادِ دہشتگردی عدالت میں فیصل جاوید کی وکیل آمنہ علی ایڈووکیٹ نے حاضری کی معافی کی درخواست جمع کروائی ہے۔ جبکہ خرم شہزاد نواز اور راجہ ماجد اپنے وکلاء کے ہمراہ عدالت پیش ہوئے۔ یوٹیوٹ کی ویڈیو دیکھنے کے لیے یہاں کلک کریں