ایف بی آر کی جانب سے پراپرٹی کی نئی ویلیوایشن کا اعلان

ایف بی آر کا پراپرٹی کے نئے ریٹ جاری کرنے کا فیصلہ فیڈرل بورڈ آف ریونیو( ایف بی آر) نے پراپرٹی کے نئے ریٹ جاری کرنے کا فیصلہ کرلیا۔ ذرائع کے مطابق ملک بھر کے 42 کے بجائے 54 شہروں کے ریٹ جاری کیے جائیں گے۔ ایف بی آر کے ریٹ آئندہ چند روز میں جاری ہونے کا امکان ہے۔ پراپرٹی کے ریٹ کے لیے مزید 12 شہروں میں بھی ایف بی آر ریٹ مقرر کرنے کا فیصلہ کیا گیا ہے۔ ذرائع ایف بی آر کا بتانا ہے کہ مختلف شہروں میں جائیدادوں کی قیمتوں کے ازسر نو تعین کا عمل مکمل کر لیا گیا۔ پراپرٹی کی نئی ویلیوایشن مارکیٹ ریٹس کے زیادہ قریب ہوگی، بلوچستان کے شہروں میں ایف بی آر کا ریٹ کم کیا جائے گا۔ کراچی، لاہور، اسلام آباد، پشاور سمیت تمام بڑے شہروں میں پراپرٹی کے نئے ریٹس جاری ہوں گے۔ ذرائع کا کہنا ہے کہ وزارت قانون سے توثیق کے بعد رواں ہفتے پراپرٹی کے نئے ویلیوایشن ٹیبل جاری ہو سکتے ہیں۔ اس کا مقصد جائیدادوں پر ٹیکس وصولیوں میں اضافہ کرنا ہے۔ یوٹیوٹ کی ویڈیو دیکھنے کے لیے یہاں کلک کریں