ماحولیاتی آلودگی کے خلاف پنجاب کا نیا اقدام: پودا لگاؤ، پیسہ بناؤ

پنجاب حکومت کا "پودا لگاؤ، پیسہ بناؤ" منصوبہ شروع کرنیکا فیصلہ حکومتی احکامات پر پی ایچ اے نے لاہور میں ماحولیاتی آلودگی میں کمی کے لیے اقدامات شروع کردیے ہیں۔ ڈی جی پی ایچ اے طاہر وٹو کے مطابق لاہور کے گرد گرین رنگ میں تقریبا 30 کروڑ درخت لگائیں گے۔ گرین رنگ بنانے کے لیے نرسریوں میں پودوں کی افزائش شروع کر دی ہے۔ 30 کروڑ درخت لگانے کا ٹارگٹ پانچ سالوں میں پورا ہوگا۔ طاہر وٹو نے کہا کہ آئیندہ سال اڑھائی کروڑدرخت لگانے کا ٹارگٹ رکھا گیا ہے ، جن کی نرسریوں میں افزائش شروع کر دی ہے۔ اگلے سال کے آخر تک یہ پودے جب بڑے ہونگے تو گرین رنگ میں لگائے جائیں گے۔ ڈی جی پی ایچ اے طاہروٹو کا مزیدکہنا ہے کہ اسموگ میں کمی کے لیے پنجاب حکومت پودا لگانے پر پیسے دینے کا منصوبہ لارہی ہے۔ ،شہریوں کو پودے لگانے پر مخصوص رقم دی جائیگی۔ منصوبے کی پلاننگ شروع کر دی گئی ہے جلد عملدرآمد شروع کیا جائیگا۔ یوٹیوٹ کی ویڈیو دیکھنے کے لیے یہاں کلک کریں