وزیراعظم شہباز شریف کی جانب سے کوئٹہ دھماکہ کی سخت مذمت

کوئٹہ دھماکہ، وزیراعظم سمیت سیاسی رہنماؤں کی شدید مذمت وزیراعظم شہباز شریف اور بلاول بھٹو سمیت دیگر سیاسی رہنماؤں نے کوئٹہ ریلوے اسٹیشن کے قریب دھماکے کی شدید مذمت کی ہے۔ وزیراعظم محمد شہباز شریف نے کوئٹہ ریلوے اسٹیشن کے قریب دھماکے کی شدید مذمت کرتے ہوئے جاں بحق ہونے والے افراد کے لیے دعائے مغفرت اور ان کے اہل خانہ کے لیے صبر و استقامت کی دعا کی ہے۔ وزیراعظم نے زخمیوں کو ترجیحی بنیادوں پر طبی امداد فراہم کرنےکی ہدایت کرتے ہوئے بلوچستان حکومت سے واقعےکی تحقیقاتی رپورٹ طلب کرلی ہے۔ وزیراعظم نے کہا کہ معصوم اور نہتے شہریوں کے جان و مال کو نقصان پہنچانے والے دہشتگردوں کو بہت سخت قیمت ادا کرنی پڑے گی۔ دہشتگردی کی عفریت کے خاتمے کے لیے حکومت اور سیکیورٹی فورسز مکمل طور پر سرگرم عمل ہیں۔ یوٹیوٹ کی ویڈیو دیکھنے کے لیے یہاں کلک کریں