پنجاب میں محکمہ صحت کا موبائل ایپ سے پروفیسرز کی حاضری کو یقینی بنانے کا نیا اقدام

محکمہ صحت کا موبائل ایپلیکیشن کے ذریعے حاضری لگانے کا فیصلہ محکمہ صحت پنجاب نے موبائل ایپلی کیشن کے ذریعے پروفیسرز کی حاضری لگانے کا فیصلہ کیا ہے۔ جب کہ اس فیصلے پر عمل درآمد سروسز اور پنجاب انسٹی ٹیوٹ آف کارڈیالوجی (پی آئی سی) میں شروع کردیا گیا ہے۔ محکمہ صحت پنجاب نے پروفیسرز کی ہسپتالوں میں حاضری کو یقینی بنانے کے لیے بڑا فیصلہ کرتے ہوئے موبائل ایپلی کیشن کے ذریعے پروفیسرز کی حاضری لگانے کا آغاز کردیا ہے۔ ایپلیکشن کے مطابق پہلے روز سروسز ہسپتال کے 81 اور پی آئی سی کے 33 فیصد پروفیسرز غیر حاضر رہے۔ جب کہ دوسرے روز سروسز ہسپتال میں 41 فیصد اور پی آئی سی میں 24 فیصد پروفیسرز غیر حاضر پائے گئے۔ اس حوالے سے سیکریٹری صحت کا کہنا تھا کہ موبائل ایپلی کیشن حاضری کو صوبہ بھر کے اسپتالوں تک پھیلانے کے احکامات جاری کردیے گئے ہیں۔ یوٹیوٹ کی ویڈیو دیکھنے کے لیے یہاں کلک کریں