زکریا یونیورسٹی کی ڈیجیٹلائزیشن: وائس چانسلر کا اہم اعلان

ملتان (خصوصی رپورٹر ) وائس چانسلر بہاء الدین زکریا یونیورسٹی ملتان ڈاکٹر زبیر اقبال نے کہا ہے زکریا یونیورسٹی اس خطے کی اہم یونیورسٹی ہے جسے 6 ماہ کے اندر مکمل طور پر ڈیجیٹلائزڈ کیا جائے گا سٹوڈنٹس فیسلیٹیشن سنٹر کا قیام اس سلسلے کی ایک کڑی ہے اور ایک ہفتہ کے اندر جدید تقاضوں کے مطابق تیار کردہ زکریا یونیورسٹی کی نئی ویب سائیڈ کو لانچ کر دیا جائے گا جس میں زکریا یونیورسٹی سے متعلق تمام تازہ ترین تفصیلات موجود ہوں گی ۔ ان خیالات کا اظہار انہوں نے انسٹیٹیوٹ آف بینکنگ اینڈ فنانس کے سالانہ ڈنر کی تقریب سے خطاب کرتے ہوئے کیا وائس چانسلر کا مزید کہنا تھا کہ انہیں یہ دیکھ کر بہت خوشی ہو رہی ہے کہ انسٹیٹیوٹ اف بینکنگ اینڈ فنانس ذکریا یونیورسٹی کے طلبہ و طالبات تعلیم کے ساتھ ساتھ دیگر سرگرمیوں میں بھی بڑھ چڑھ کر حصہ لے رہے ہیں خاص طور پر انہوں نے فی میل طالبات کی تعریف کرتے ہوئے کہا کہ کہ آج کی تقریب میں 70 فیصد طالبات نے مختلف پروگرامز میں پوزیشنز حاصل کی ہیں۔ جس سے ان کی صلاحیتوں کو دیکھ کر محسوس ہوتا ہے کہ ہمارا مستقبل روشن ہے انہوں نے ڈائریکٹر انسٹیٹیوٹ آف بینکنگ اینڈ فنانس ڈاکٹر احمد تسمان پاشا کی کاوشوں کو سراتے ہوئے کہا کہ انہوں نے ایک بہترین ایونٹس کا انعقاد کیا ہے جس میں طلبہ و طالبات کو تفریح کے ساتھ ساتھ مفید معلومات بھی فراہم کی گئی ہیں۔تقریب سے خطاب کرتے ہوئے ڈائریکٹر انسٹیٹیوٹ آف بینکنگ اینڈ فنانس ڈاکٹر احمد تسمان پاشا نے کہا کہ ان کا ڈیپارٹمنٹ اس خطے میں اعلی تعلیم کی حصول کے لیے بھرپور کوششیں کر رہا ہے۔ یہی وجہ ہے کہ پاکستان کے ٹاپ کلاس اداروں میں انسٹیٹیوٹ آف بینکنگ اینڈ فنانس سے فارغ التحصیل طلبہ و طالبات اہم عہدوں پر تعینات ہو کر اپنی خدمات سر انجام دے رہے ہیں انسٹیٹیوٹ آف بینکنگ اینڈ فنانس سے فارغ التحصیل یہ گریجویٹ نہ صرف ذکریا یونیورسٹی کا نام روشن کر رہے ہیں بلکہ یہ لوگ انسٹیٹیوٹ آف بینکنگ اینڈ فنانس کے ایمبیسڈرز ہیں انہوں نے کہا کہ انسٹیٹیوٹ آف بینکنگ اینڈ فنانس وومن ایمپاورمنٹ پر یقین رکھتا ہے۔ یہی وجہ ہے کہ آج کے سالانہ ایونٹس کو کامیاب کرانے والی ٹیم میں خواتین کی تعداد زیادہ ہے جنہوں نے اپنی محنت کے بل بوتے پر اس ایونٹ کو کامیاب کروایا ہے۔انہوں نے کہا کہ بینکنگ اینڈ فنانس بہت جلد جاب فیئر کا انعقاد کروائے گا جس سے طلبہ و طالبات کو اچھی جابز ملیں گی انہوں نے کہا کہ انڈسٹریل لنکجز کو مضبوط کرنے کے لیے تمام انڈسٹریز کے ساتھ مسلسل رابطے میں ہیں اور مستقبل میں اس لنک کے ذریعے ہم اپنے طلبہ و طالبات کو اچھی جابز اور انٹرن شپ دلوانے میں کامیاب ہوں گے۔ سالانہ ڈنر میں پروفیسر ڈاکٹر ریحانہ کوثر پروفیسر ڈاکٹر حسن بچہ پروفیسر ڈاکٹر محمد صادق شاہد پروفیسر ڈاکٹر آ صف یاسین ڈاکٹر محمد عرفان ڈاکٹر محمد حارث رائمہ عدیل مریم عارف کے علاوہ صنعتکار وں تاجروں اورمختلف بینکوں کے ریجنل ہیڈز کی کثیر تعداد نے شرکت کی ۔ یوٹیوٹ کی ویڈیو دیکھنے کے لیے یہاں کلک کریں