لاہور ایئرپورٹ روزانہ 3 گھنٹے بند رکھنے کا فیصلہ

مون سون کے موسم میں ایئرپورٹ کے اطراف پرندوں کی بہتات ہوتی ہے جس کے باعث انتظامیہ نے لاہور ایئرپورٹ کو روزانہ 3 گھنٹے کے لیے بند کرنے کا فیصلہ کیا ہے۔ انتظامیہ کے مطابق ایئرپورٹ کے دونوں رن وے صبح 5 بجے سے صبح 8 بجے تک بند رہیں گے ، ایئرپورٹ کی بندش 10 جولائی سے 10 ستمبر تک نافذ العمل رہے گی اور یہ بندش عموماً ہر سال مون سون کے دوران کی جاتی ہے، ہنگامی لینڈنگ رن وے کو بھی استعمال کیا جا سکتا ہے ایمریٹس لینڈنگ کا فیصلہ طیارے کے پائلٹ کریں گے۔ سول ایوی ایشن اتھارٹی کی جانب سے بذریعہ نوٹم ملکی وغیر ملکی ایئر لائنز کو آگاہ کر دیا ہے ، ایئرپورٹ کو روزانہ 3گھنٹے تک بند کرنے کا اقدام مسافروں کی حفاظت کو یقینی بنانے کیلئے اُٹھایا گیاہے۔