پاکستان سمیت متحدہ عرب امارات میں نئے اسلامی سال کے چاند کے حوالے سے پیشگوئی

متحدہ عرب امارات سمیت پاکستان میں نئے اسلامی سال کے چاند کے حوالے سے پیش گوئی کی گئی ہے جس کے مطابق فلکیاتی پیمانوں کے مطابق نئے اسلامی سال 1446 ہجری کا چاند 7 جولائی بروز اتوار نظر آنے کا امکان ہے۔ ملک میں نیا اسلامی سال پیر کو ہے، جس کا آغاز 8 جولائی سے ہو رہا ہے اور یوم عاشور بدھ 17 جولائی کو ہو گا۔ تاہم چاند دیکھنے کے لیے مرکزی رویت ہلال کمیٹی کا اجلاس 6 جولائی کو چیئرمین مولانا عبدالخبیر آزاد کی زیر صدارت کوئٹہ میں ہوگا۔ جب کہ کراچی، اسلام آباد اورلاہور میں کے زونل ہیڈکوارٹرز میں بھی زونل کمیٹی کے اجلاس ہوں گے۔دوسری جانب یو اے ای میں نئے اسلامی سال 1446 ہجری کا چاند 6 جولائی بروز ہفتے کو نظر آنے کا امکان ہے، اس مناسبت سے یو اے ای میں نئے اسلامی سال کا آغاز 7 جولائی بروز اتوار کو ہوگا۔ یو اے ای حکومت نے پرائیویٹ سیکٹر میں 7 جولائی کو عام تعطیل کا اعلان کیا ہے۔