ہم گالم گلوچ نہیں مثبت سیاست پر یقین رکھتے ہیں ، بلاول بھٹو

پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ وفاقی حکومت پیپلز پارٹی کی وجہ سے چل رہی ہے اور بجٹ بھی پیپلز پارٹی کی وجہ سے منظور ہوا، کہتے ہیں کہ ہم مثبت سیاست پر یقین رکھتے ہیں، گپ شپ میں نہیں۔ پی پی چیئرمین نے کہا کہ معاشی مسائل اور امن و امان کی صورتحال خراب ہے، ہمسایہ ملک میں پوری دنیا کی فوج ناکام ہوچکی ہے ، پاک فوج اور عوام نے مل کر ان دہشت گردوں کی کمر توڑ دی ہے، حکومت پیپلز پارٹی کا وفد بلا رہی ہے۔ اس میں بھی شرکت کریں گے، ہم ہمیشہ اپنے عوام کے ساتھ کھڑے ہیں، پاک فوج اور پولیس کھڑی ہے، سب نے اس ملک کے لیے قربانیاں دی ہیں، اتفاق رائے سے کیے گئے فیصلے اچھے اثرات مرتب کریں گے۔