نائجیریا میں تیل کے ٹینکر میں دھماکا: 94 افراد ہلاک، 50 زخمی

نائجیریا میں تیل کے ٹینکر کے دھماکے کے نتیجے میں ہلاکتوں کی تعداد 94 تک پہنچ گئی

نائجیریا ‘ تیل کے ٹینکر میں دھماکا، 94 افراد ہلاک، درجنوں زخمی نائیجیریا میں حادثے کا شکار ہونے والے تیل کے ٹینکر میں دھماکے سے کم از کم 94 افراد ہلاک اور 50 زخمی ہو گئے۔ پولیس کے ترجمان لاوان شیسو ایڈم نے اے ایف پی کو بتایا کہ منگل کو رات گئے شمالی ریاست جیگاوا میں ٹینکر کے حادثے کے بعد بہت سے افراد تیل جمع کرنے کے لیے وہاں پہنچ گئے۔ انہوں نے کہا کہ ٹینکر ماجیا کے قصبے میں ٹرک سے ٹکر سے بچنے کی کوشش میں الٹ گیا۔ انہوں نے کہا کہ ہم اب تک 94 افراد کے ہلاک اور تقریباً 50 افراد کے زخمی ہونے کی تصدیق کرتے ہیں۔ ہلاکتوں میں اضافے کا خدشہ ظاہر کرتے ہوئے ٹینکر کو حادثہ پیش آنے کے بعد علاقہ مکینوں کا ہجوم گاڑی کے ارد گرد جمع ہو کر تیل اکٹھا کرنے لگے جو سڑک اور نالیوں میں بہہ رہا تھا۔ پولیس ترجمان نے بتایا کہ اس موقع پر ایک پولیس اہلکار نے لوگوں کو روکنے کی کوشش کی لیکن انہوں نے اس کی بات نہ مانی اور الٹا اس کو پکڑ لیا۔ یوٹیوٹ کی ویڈیو دیکھنے کے لیے یہاں کلک کریں