امریکی انتخابات میں بیلٹ باکسز پر آتش زنی کے واقعات، پولیس تحقیقات میں پیش رفت

واشنگٹن اور اوریگون میں بیلٹ باکسز پر حملے، پولیس کا مشتبہ گاڑی کا سراغ

امریکی انتخابات، بیلٹ باکسز پر آتش زنی کے واقعات، پولیس نے مشتبہ گاڑی کی شناخت کر لی شمال مغربی امریکی ریاستوں واشنگٹن اور اوریگون میں تین بیلٹ ڈراپ باکسز پر مشتبہ آتش زنی کے واقعات کے بعد پولیس کا کہنا ہے کہ ان تین واقعات کا آپس میں تعلق ہو سکتا ہے۔ اور ’اوریگون ‘میں مشتبہ گاڑی کی شناخت کر لی گئی ہے۔ اوریگون کے شہر پورٹ لینڈ اور واشنگٹن کے شہر وینکوور میں دو مختلف واقعات میں آگ لگائی گئی۔ جس میں تین بیلٹس کو نقصان پہنچا اور سینکڑوں بیلٹس جل کر خاکستر ہوگئے۔ حکام کے مطابق، یہ واقعات وینکوور میں 8 اکتوبر کو ہونے والے ایک اور آتش زنی کے واقعے سے مماثلت رکھتے ہیں جس میں کسی بیلٹ کو نقصان نہیں ہوا تھا۔ پورٹ لینڈ پولیس ڈپارٹمنٹ کی اسسٹنٹ چیف، امانڈا مک ملن، نے نیوز کانفرنس میں کہا، "ہمیں مقصد کا علم نہیں ہے۔ لیکن ہمیں معلوم ہے کہ ایسے اقدامات ہدف اور ارادتاً کیے جاتے ہیں۔" پولیس کے مطابق، مشتبہ شخص کے خلاف تباہ کن آلات رکھنے اور ووٹنگ مشینوں سے متعلق غیر قانونی اقدامات سمیت دیگر الزامات بھی عائد کیے جا سکتے ہیں۔ یوٹیوٹ کی ویڈیو دیکھنے کے لیے یہاں کلک کریں