غیرمعمولی سردی کی شدت کے سبب فالج کی شرح میں 30 سے 40 فیصد اضافہ، پشاور کے ہسپتالوں کی رپورٹ

غیرمعمولی سردی کے باعث فالج کی شرح میں اضافہ ہو گیا پشاور سمیت خیبرپختونخوا کے بہت سے علاقے غیرمعمولی سردی کی لپیٹ میں ہیں ۔ جس کی بدولت سردی سے متاثر ہونے والے لوگوں میں فالج کی شرح میں اضافہ ہوا ہے۔ پشاور سمیت خیبر پختونخوا کے مختلف علاقوں میں سردی کی شدت نے نہ صرف عام زندگی کو متاثر کیا ہے۔ بلکہ زیادہ عمر افراد کے لیے سنگین طبی مسائل بھی پیدا کر دیے ہیں۔ پشاور میں واقع تینوں بڑے ہسپتالوں کی انتظامیہ کا کہنا ہے کہ کڑاکے کی اس سردی میں ان ہسپتالوں میں لائے جانے والے فالج اور اس سے جڑے امراض کے مریضوں کی شرح سردی کے عام دنوں کے مقابلے میں 30 سے 40 فیصد زیادہ ریکارڈ ہورہی ہے۔ طبی ماہرین کے مطابق سخت سردی کے باعث خون کی شریانیں سکڑ جاتی ہیں۔ جس سے بلڈ پریشر میں اضافہ اور فالج کے امکانات بڑھ جاتے ہیں۔ یوٹیوٹ کی ویڈیو دیکھنے کے لیے یہاں کلک کریں