مولانا فضل الرحمان: ٹرمپ کیلئے نوبل انعام کی سفارش واپس لی جائے

سربراہ جے یو آئی ف مولانا فضل الرحمان نے کہا ہے حکومت ٹرمپ کے لئے نوبل انعام کی سفارش واپس لے۔ مری کے علاقے پھگواڑی میں جے یو آئی پنجاب کی جنرل کونسل کے اجلاس سے خطاب کرتے ہوئے مولانا فضل الرحمان کا کہنا تھا کہ ماضی اوراب کی سٹیبلشمنٹ نے مدارس کو قبول نہیں کیا۔ ، مدارس کی آزادی اور خودمختاری پر سمجھوتہ نہیں کریں گے۔ انہوں نے کہا کہ برصغیر پر جب تک علماء کرام کی حکومت تھی کوئی فرقہ وارانہ فساد نہیں ہوا۔ جب سے غیر علماء کے ہاتھ آیا مسلسل خون بہہ رہا ہے، تعلیمی دنیا میں دینی اور دنیاوی تقسیم انگریز کی ایجاد ہے،۔ ہمارا مطالبہ ہے کہ حکومت ٹرمپ کے لئے نوبل انعام کی سفارش واپس لے۔ سربراہ جے یو آئی ف نے کہا کہ ٹرمپ کے ہاتھ سے فلسطینیوں، عراقیوں، افغانوں کا خون رس رہا ہے۔ ، ایران پر حملہ کرکے ٹرمپ نے قومی اور بین الاقوامی قوانین کی خلاف ورزی کی۔ ، ہم ایران کی تائید نہ کریں تو کیا اسرائیل کی حمایت کریں۔ یوٹیوٹ کی ویڈیو دیکھنے کے لیے یہاں کلک کریں