مولانا فضل الرحمٰن نے اپوزیشن لیڈرز کیلئے پی ٹی آئی کی حمایت کردی

جمعیت علماء اسلام ( جے یو آئی ) کے سربراہ مولانا فضل الرحمٰن نے قومی اسمبلی اور سینیٹ میں اپوزیشن لیڈرز کے لئے پاکستان تحریک انصاف ( پی ٹی آئی ) کی حمایت کردی۔ ذرائع کے مطابق قومی اسمبلی اور سینیٹ میں اپوزیشن لیڈرز کی نامزدگی کے لیے سیاسی رابطے تیز ہوگئے ۔ جبکہ تحریک انصاف کے وفد نے گزشتہ ایک ہفتے کے دوران جمعیت علماء اسلام ( جے یو آئی ) کے سربراہ مولانا فضل الرحمٰن سے دو تفصیلی نشستیں کی ہیں ۔ جن میں اہم قومی، سیاسی اور پارلیمانی امور پر بات چیت ہوئی۔ ذرائع کا کہنا ہے کہ مولانا فضل الرحمٰن نے قومی اسمبلی اور سینیٹ میں اپوزیشن لیڈر کے لیے پی ٹی آئی کی حمایت کر دی ہے۔ ذرائع کے مطابق مولانا فضل الرحمٰن کا موقف ہے کہ دونوں ایوانوں میں اپوزیشن لیڈر پی ٹی آئی کا حق ہے اور وہ پارلیمان میں اپوزیشن کو متحد دیکھنا چاہتے ہیں۔ یوٹیوٹ کی ویڈیو دیکھنے کے لیے یہاں کلک کریں