افغانستان میں خوارج کی موجودگی کیخلاف مؤثر اقدامات کیے: پاک فوج

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چودھری نے کہا ہے کہ افغانستان میں خوارج کی موجودگی کے خلاف مؤثر اقدامات کیے ہیں۔ ڈی جی آئی ایس پی آر لیفٹیننٹ جنرل احمد شریف چودھری نے غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی صوابی کا دورہ کیا ۔ جہاں انہوں نے حالیہ پاک افغان سرحدی جھڑپ، سکیورٹی صورتحال اور سوشل میڈیا کے کردار پر گفتگو کی۔ اپنے خطاب میں لیفٹیننٹ جنرل احمد شریف چودھری کا کہنا تھا کہ پاکستان نے افغانستان میں خوارج کی موجودگی کے خلاف مؤثر اقدامات کیے ہیں۔ ، آئندہ بھی پاک فوج ہر دشمن کی جارحیت کے خلاف سیسہ پلائی دیوار ثابت ہوگی۔ ڈی جی آئی ایس پی آر نے مزید کہا ہے کہ نوجوان قوم کے روشن مستقبل کے ضامن ہیں۔ ، ملکی ترقی و خوشحالی میں نوجوانوں کا کردار کلیدی ہے، اس دوران طلبہ اور اساتذہ کی جانب سے شہداء و غازیانِ پاک افواج کو زبردست خراجِ تحسین پیش کیا گیا۔ خبر کی تفصیل کے لیے لنک پر کلک کریں۔