سپریم کورٹ کا سرکاری ملازمین کی پروموشن سے متعلق بڑا فیصلہ

سپریم کورٹ نے سرکاری ملازمین کی ترقی میں تاخیر سے متعلق اہم فیصلہ سنادیا۔ سپریم کورٹ نے پنجاب سروس ٹریبونل کا فیصلہ کالعدم قرار دے کر اہل افسرکو پہلی محکمہ جاتی پروموشن کمیٹی کے دن سے پروموشن کا حق بحال کردیا۔ جسٹس عائشہ ملک نے 7 صفحات پر مشتمل تحریری فیصلہ جاری کیا۔ جسٹس عائشہ ملک ، جسٹس محمد ہاشم کاکڑ اور جسٹس اشتیاق ابراہیم نے کیس سنا۔ عدالت نے سرکاری ملازم فخر مجید کی پروموشن 21 جنوری 2012 سے مؤثر قرار دے دیا، پنجاب سروس ٹریبونل نے فخر مجید کی پروموشن کی اپیل مسترد کی تھی۔ فیصلے میں کہا گیا ہے کہ پنجاب سروس ٹریبونل کے مطابق ملازم کو خالی عہدے کے دن سے ترقی کاحق نہیں۔ ، ملازم فخر مجید کی استدعا تھی کہ پہلی محکمہ جاتی پروموشن کمیٹی کے دن سے ترقی کا حق بحال کیا جائے۔ ، عدالت نے قرار دیا کہ انتظامی غفلت یا تاخیر کی سزا ملازم پر نہیں ہوگی۔ خبر کی تفصیل کے لیے لنک پر کلک کریں۔