چیئرمین سینیٹ یوسف رضا گیلانی نے کراچی میں گورنر سندھ کامران ٹیسوری سے ملاقات کی

چیئرمین سینیٹ یوسف رضا گیلانی نے کراچی میں گورنر سندھ کامران ٹیسوری سے ملاقات کی۔ چیئرمین سینیٹ یوسف رضا گیلانی گورنر ہاؤس پہنچے جہاں انہوں نے گورنر سندھ کامران ٹیسوری کے ہمراہ آئی ٹی کلاسز کا دورہ کیا۔ یوسف رضا گیلانی نے طلباء سے خطاب کرتے ہوئے کہا کہ نوجوان تعلیم کے ذریعے ہی دنیا کا سامنا کر سکتے ہیں۔ گورنر ہاؤس کے اعلامیے کے مطابق صدر سینیٹ نے کامران ٹیسوری کو آئی ٹی کلاسز کے انعقاد پر مبارکباد دی۔ اس موقع پر گورنر سندھ کا کہنا تھا کہ آج نوجوان آئی ٹی کے شعبے میں ہزاروں ڈالر کما رہے ہیں، طلبہ کو جدید ترین کورسز مفت سیکھنے کا موقع مل رہا ہے۔