بھارت میں انتخابات، اسٹاک مارکیٹ میں گراوٹ، بھارتی سرمایہ کاروں کو بڑا نقصان

بھارت کے لوک سبھا انتخابات کے نتائج مسلسل آرہے ہیں جس میں نریندر مودی کی جماعت کو توقع سے کم نشستیں ملنے کا امکان ہے اور ایسی صورتحال میں بھارتی اسٹاک مارکیٹ چار سال کی کم ترین سطح پر آگئی ہے۔ بھارتی میڈیا کے مطابق بمبئی سٹاک ایکسچینج کا سینس انڈیکس 4390 پوائنٹس گر کر گزشتہ 4 سال کی کم ترین سطح 72 ہزار 79 پوائنٹس پر آگیا۔ ان غیر متوقع انتخابی نتائج کی وجہ سے بھارت میں اسٹاک مارکیٹ کریش کر گئی، جس سے سرمایہ کاروں کو 30 لاکھ کروڑ بھارتی روپے کا نقصان ہوا۔ بھارت میں لوک سبھا کے انتخابات کے لیے آج ووٹوں کی گنتی کی جا رہی ہے جس میں بھارتی حکمراں جماعت بی جے پی کی قیادت میں اتحاد کو توقع سے کم ووٹ ملنے کا امکان ہے۔