بنگلہ دیش کے خلاف ہوم سیریز میں نئے کھلاڑیوں کو موقع دیئے جانے کا قوی امکان

بنگلہ دیش کے خلاف قومی کرکٹ ٹیم کی ہوم سیریز میں نئے کھلاڑیوں کو موقع دیئے جانے کا امکان ہے۔ بنگلہ دیش کے خلاف پاکستانی ٹیم کے لیے سلیکشن کمیٹی نے ٹیسٹ ٹیم کے کپتان شان مسعود اور کوچ جیسن گلیسپی سے بات چیت شروع کردی ہے۔ پی سی بی کے چیئرمین محسن نقوی نے بنگلہ دیش کے خلاف نئے کھلاڑیوں کو موقع دینے کی بات کی ہے۔ بعد میں نئے اور نوجوان کھلاڑیوں کو موقع دیئے جانے کا قوی امکان ہے۔ بنگلہ دیش کے خلاف ہوم سیریز میں موقع دیا جائے گا۔ ۔ذرائع کا کہنا ہے کہ فاسٹ بائولنگ میں شاہنواز دھانی، عامر جمال، خرم شہزاد، میر حمزہ اور نسیم شاہ کی موجودگی میں حارث رؤف کے نام پر غور نہیں کیا جائیگا جبکہ شاہین آفریدی کو بھی آرام دیئے جانے کا قوی امکان ہے۔ ذرائع کے مطابق بابر اعظم کے حوالے سے بھی انہی خطوط پر گفتگو ہو رہی ہے جبکہ ٹیسٹ کپتان شان مسعود ہوم سیریز میں وکٹ کیپر محمد رضوان کی جگہ سابق کپتان سرفراز احمد کے ساتھ جانے کی خواہش رکھتے ہیں۔