ان فٹ کرکٹرز کو گھر کا راستہ دکھانے کی تیاری کرلی گئی

ان فٹ کرکٹرز کو گھر کا راستہ دکھانے کی تیاریاں کر لی گئی ہیں، فٹنس کے مقررہ معیار پر پورا نہ اترنے والے کھلاڑیوں کو منتخب نہ کرنے کی پالیسی اپنائی جائے گی اس دوران سابق ٹیم ڈائریکٹر محمد حفیظ کا بھی فٹنس ٹیسٹ لینے پر غور کیا جا رہا ہے ۔ ایک بار پھر اپنے اس الزام کا اعادہ کیا کہ مکی آرتھر، گرانٹ بریڈ برن اور بابر اعظم نے فٹنس کو ترجیح دینے کا نظام ختم کر دیا ہے دوسری جانب بنگلہ دیش سے ہوم ٹیسٹ سیریز کیلیے تربیتی کیمپ 24 جولائی سے کراچی میں لگنے کا امکان ہے ریڈ بال کوچ جیسن گلیسپی نگرانی کریں گے، میچز کی میزبانی راولپنڈی اور ملتان کو سونپی جا سکتی ہے۔ آئی سی سی ٹی ٹوئنٹی ورلڈکپ میں پاکستان ٹیم کی غیرمعیاری کارکردگی اور پہلے راؤنڈ سے اخراج کی ایک وجہ ان فٹ پلیئرز کو مواقع دینا بھی قرار دی جا رہی ہے، بعض کھلاڑیوں کی فٹنس پر ٹی وی کمنٹیٹرز نے بھی سوال اٹھائے تھے، اب ان فٹ کرکٹرز کو آئندہ منتخب نہ کرنے کا فیصلہ کر لیا گیاہے۔