وزیراعلیٰ پنجاب کا موسلادھار بارش کے باعث انتظامیہ اور واسا حکام کو فیلڈ میں پہنچنے کا حکم وزیر اعلیٰ پنجاب مریم نواز شریف نے بارش کے باعث انتظامیہ اور واسا حکام کو نکاسی آب مکمل ہونے تک گراؤنڈ میں پہنچنے کا حکم دیتے ہوئے ریسکیو 1122 اور دیگر اداروں کو ہنگامی صورتحال سے نمٹنے کے لیے پیشگی تیاری کا حکم دے دیا۔ مریم نواز نے کہا کہ اہم سڑکوں اور نشیبی علاقوں میں پانی کی نکاسی کا کام بلا تعطل کیا جائے، مختلف شہروں میں مسلسل بارشوں سے پیدا ہونے والی صورتحال ہنگامی اقدامات کی متقاضی ہے ، بارش کے بعد سڑکوں، بازاروں اور گلیوں میں پانی کھڑا نہ ہو۔ وزیراعلیٰ پنجاب نے ہدایت کی کہ ٹریفک پولیس سڑکیں کلیئر کرے، ٹریفک جام نہیں ہونا چاہیے۔