وزیر اعلیٰ خیبر پختونخوا علی امین کا الزام: نیب کرپشن کو فروغ دیتا ہے

وزیر اعلیٰ خیبر پختونخوا علی امین گنڈاپور نے کہا ہے کہ قومی احتساب بیورو (نیب) پر اربوں روپے خرچ ہورہے ہیں۔ اور وہ کرپشن کو پروموٹ کرتا ہے جب کہ نیب صرف انتقامی کارروائیوں کے لیے استعمال ہورہی ہے۔ وزیر اعلیٰ خیبر پختونخوا نے نشتر ہال پشاور میں انسداد بدعنوانی تقریب سے خطاب کرتے ہوئے کہا کہ ہم نے اب تک اپنے آپ سے احتساب شروع نہیں کیا۔ جس دن کرپشن کو بُرا ماننا شروع ہوا تو کرپشن ختم ہوجائے گی۔ علی امین گنڈا پور نے کہا کہ بانی پی ٹی آئی کو کہا تھا کہ کرپشن کے خاتمے کے لیے سسٹم بنانا ہوگا۔ ہم کرپشن ماننے سے انکار کرتے ہیں لیکن کرتے ہیں اور مذمت کرنے کے باوجود ہمارے سامنے کرپشن ہورہی ہے۔ انہوں نے کہا کہ تھانوں میں رشوت چلتی ہے ۔ پٹواری بھی پیسے لیتا ہے ، لوگوں کو بتایا جاتا ہے کہ 8 کروڑ جمع کرادو تو جیل نہیں جاؤ گے۔ یوٹیوٹ کی ویڈیو دیکھنے کے لیے یہاں کلک کریں