"وزیراعظم شہباز شریف کا کہنا ہے کہ گھریلو صارفین کو گیس کی فراہمی کو بلا تعطل یقینی بنایا جائے گا"

گھریلو صارفین کو گیس کی فراہمی اولین ترجیح ، وزیر اعظم وزیراعظم محمد شہباز شریف کا کہنا ہے کہ گھریلو صارفین کو گیس کی فراہمی حکومت کی اولین ترجیح ہے ۔ترجمان وزیر اعظم ہاؤس کی جانب سے جاری کردہ پریس ریلیز کے مطابق وزیراعظم محمد شہباز شریف کی زیر صدارت ملک میں گیس سپلائی کے حوالے سے جائزہ اجلاس ہوا ۔ وزیر اعظم نے گھریلو صارفین کو گیس سپلائی میں کمی کی شکایات پر نوٹس لیتے ہوئے موسم سرما میں گھریلو صارفین کو گیس کی بلا تعطل فراہمی کو فوری طور پر یقینی بنانے کی ہدایت کی۔ وزیر اعظم نے سسٹم کی ساخت میں اصلاحات لانے کی ہدایت تاکہ اس مسئلے کو مستقل طور پر حل کیا جاسکے۔ وزیر اعظم کو اجلاس میں بریفنگ کے دوران بتایا گیا کہ سسٹم میں سرپلس آر ایل این جی موجود ہے۔ جس کی وجہ سے گیس لوڈ مینجمنٹ میں پچھلے سال کی نسبت بہتری آئی ہے ۔ یوٹیوٹ کی ویڈیو دیکھنے کے لیے یہاں کلک کریں