سینیٹ کاغذات نامزدگی کیس: وزیرداخلہ محسن نقوی کی سماعت کی کاز لسٹ منسوخ

وزیرداخلہ سینیٹ کاغذات نامزدگی کیس کی کاز لسٹ منسوخ اسلام آباد ہائی کورٹ میں وزیر داخلہ محسن نقوی کے سینیٹ الیکشن میں کاغذات نامزدگی کی تفصیلات فراہمی کیس کی کازلسٹ منسوخ کردی گئی۔ اسلام آباد ہائی کورٹ رجسٹرار آفس نے کیس موسم سرما کی تعطیلات کے باعث نو اسکوپ میں ڈال دیا۔ اس سے قبل کیس کو 31 دسمبر کو سماعت کے لیے مقرر کیا گیا تھا۔ چیف جسٹس عامر فاروق نے الیکشن کمیشن سے 10 روز میں جواب طلب کر رکھا تھا۔ درخواست میں سینیٹ الیکشن 2024 میں وزیرداخلہ محسن نقوی کے کاغذات نامزدگی کی مصدقہ کاپی فراہمی کی استدعا کی گئی ہے۔ ایڈوکیٹ عمیر شفیق مغل نے سردار عبدالرازق ایڈوکیٹ کے ذریعے درخواست دائر کر رکھی ہے۔ درخواست میں الیکشن کمیشن کو فریق بنایا گیا ہے۔ یوٹیوٹ کی ویڈیو دیکھنے کے لیے یہاں کلک کریں