"وفاقی کابینہ نے چیمپئنز ٹرافی کے لیے فوج تعینات کرنے کی منظوری دے دی"

چیمپئنز ٹرافی کے لیے فوج تعینات کرنے کی منظوری وفاقی کابینہ نے آئی سی سی چیمپئنز ٹرافی کے لیے فوج تعینات کرنے کی منظوری دے دی۔ ذرائع کے مطابق آئی سی سی چیمپنز ٹرافی 2025 کے لیے وفاقی کابینہ نے سیکیورٹی کی منظوری دے دی ہے۔ ذرائع کا کہنا ہے کہ وفاقی کابینہ نے چیمپنز ٹرافی کے لیے آئین کے آرٹیکل 245 کے تحت فوج تعینات کرنے کی منظوری دی ہے۔ چیمپنز ٹرافی کے میچز کے لیے پاک فوج، سول آرمڈ فورسز، پولیس اور قانون نافذ کرنے والے ادارے مشترکہ سیکیورٹی کے فرائض سر انجام دیں گے۔ یاد رہے کہ چیمپنز ٹرافی کے لیے 12 فروری سے ٹیمیں پاکستان پہنچ رہی ہیں ۔ جب کہ پی سی بی، صوبہ پنجاب اور سندھ کی درخواست پر سیکیورٹی کی منظوری لی گئی ہے۔ یوٹیوٹ کی ویڈیو دیکھنے کے لیے یہاں کلک کریں